Dugong showbiz si Raymond Manuel

Dugong showbiz si Raymond Manuel

By Art T. Tapalla

Raymond Manuel/TV Host

HINDI nakapagtatakang mahilig sa showbiz ang 18-year-old na La Salle University student na si Raymond Manuel.  Oo nga’t baguhan at sa Walang Tulugan pa lang ni German Moreno mapapanood nang regular, pero sa kanyang mga murang ugat ay nanalaytay ang dugong showbiz na matagal ng hinuhubog ng panahon.

         Bihira ang nakakaalam na si Raymond ay nagmula mismo sa angkan ng dating movie producer at director na si Manuel Portillo, ang kanyang great grandfather.  Si Manuel Portillo ang nagtatag at may-ari ng MPM Productions na siyang gumawa ng Dragon Force Connection (starring Ramon Zamora) at Mga Bakas ni Magsaysay (with Berrnard Belleza, ama ni Dranreb) noong late 1960s.  Si Portillo rin ang naging director sa mga nabanggit na pelikula ng MPM at marami pang iba, ayon sa anak nitong si Precy.

         Ang mga Portillo ay taal na taga-Mandaluyong at hanggang ngayon ay marami pa rin sa kanila ang naninirahan sa maunlad na lugar ni Mayor Danny de Guzman (na magsisimula sa 2013).

         Si Raymond ay apo ng dating artistang si Venus Portillo na lumabas din sa ilang pelikula noong panahon ng kasikatan ng sexy star na si Rosanna Ortiz (Viola Ortiz ng Jose Rizal College, now Jose Rizal University) noong 1960s.

         Nais ni Raymond na maging all-around or total performer kaya nakahanda siyang mag-workshop sa lahat ng aspeto ng showbiz – acting, dancing, singing, hosting at iba pa.

         Sa ngayon, hinahasa ni Raymond ang kakayahan niya sa hosting sa late-night show ni German Moreno.  Gusto rin niyang sumabak sa pag-arte maski sa indie films kung may pagkakataon.

         Pero nakahanda ba siyang maging bold and daring na kadalasan ay siyang hinigingi sa mga karaniwang indie film? Depende sa role at sa pagkakataon, aniya.  Darating din daw siya umano diyan, in due time, gaya ng maraming artista.

         Balak ni Raymond na magtagal sa showbiz pero hindi raw niya iiwan ang kanyang pag-aaral sa La Salle.  Puwede naman daw pagsabayin ang kanyang studies at showbiz lalo pa’t di pa naman siya gaanong busy sa kanyang showbiz schedule.

         Sa suporta ng kanyang pamilya at mga kaibigan, at sa angkin niyang talino at pagpupursige walang dudang maaabot ni Raymond ang kanyang mga pangarap.